Montag 13. Februar 2012 |
---|
Liebi Lüt Hesch du au scho usgrächnet wie di Stundelohn isch? Hesch öbbe soch mou gluegt wie vüu du i dr Minute verdiensch? Woni die horränte Salär vo öisne Bänker und Pharma-Mänätscher gesh hat, hani dänkt ig wöu mou luege wie das usgseht! E normau Stärbliche mit emene Ykomme vo rund 80 tusig Franke verdient i 24 Stund öbbe 219 Franke. Doderfür muess är mindeschtens 8 Stung schaffe. Wenn me das uf d Minute umrächnet, (24 Stunge si 1440 Minute) heisst das, 15 Rappe pro Minute oder 0.25 Rappe pro Sekunde. Es Kadermitglied oder e Schef verdient öbbe 29 Rappe pro Minute und 0.48 Rappe pro Sekunde. Verdient eine e Million, so gseht das scho chli angersch us. Wenn dä schloft, oder uf em WC hocket oder bim golfe isch, so verdient dä innere Minute scho ei Franke und nünzg Rappe, oder 3 Rappe innere Sekunde Dä wo 3 Millione verdient, het rund um d‘ Uhr pro Minute föif Franke und einesiebezg Rappe im Sack, oder pro Sekunde nünebaub Rappe. Dä verdient während 365 Täg, 8‘219 Franke und das jede Tag! Dr Herr Vasella hett jo vor zwöi oder drü Johr 42 Millione abghout. Er hett täglich, während 365 Täg, hunderfüfzähtusig (115‘068.-) Franke ykassiert. Oder viertusigsiebehundertföifenünzg Franke pro Stung und das während 24 Stung. Pro Minute git das Fr. 79.91, pro Sekunde Fr. 1.34. Dr Herr Vasella hett auso im Monat 3,5 Million Franke verdient!
Pressemitteilung
Herr Dougen hett pro Monet auso sage und schreibe 7,5 Millione Franke verdient. A eim Tag (für 24 Stung) hett er 246‘849 Franke gha. Dr Strungelohn isch grad mou 10‘285 Franke gsi und das während 24 Stung. Jedi Minute hett er 171.42 Franke und jedi Sekunde 2.88 ygsacket, und zwar immer und überau, au wenn er deheime mit dr Frau z’Nacht gässe hett, oder Färnseh gluegt hett, oder mit de Ching z’Amerika telefoniert hett.. Und jetz muess mir noh öbber säge dä hett so vuü Gäud chönne verdien! E Souerei isch das. Die sett me aui i d‘Wüeschti schicke.
Liebe Gruess,
|